Myn nyngkong ki Sngi \\ Wanjop ft B-Bay Smit

[Verse 1]
Kito ki jingkular kiba phi la khlei mynshuwa.
Ngam shem poi pyrkhat shipor phin khein dew thala.
Deng ki jingshaniah, pynban phi la iaid bakla.
Haduh kattne phi la pynkthang ia nga.
Nga la aiti shi jingmut ban iaineh haduh ba kut.

[Chorus]
Myn nyngkong ki sngi, dei ma phi ba wan kyrsiew.
Da ka kyntien ba jem ha ryngkat ka dur bhabriew.
Ummat kiba la jaw,da lei lei ngam lah ban klet.
Naduh kata ka sngi ba ia nga phi lah lyndet.
Iaka dohnud jong nga, phi lah dung da nam sarang.
Jingpang te ki la jah,ki dang sah sa ki sohkhliang.
Khliang (2)

[Verse 2]
Nyngkong ia nga phi khroh, phi ong ba phi ieit shisha.
Ha jinglong ba shisur,nga shaniah bad nga ngeit tikna.
Ngam shem poi pyrkhat ki long tang kum jing phohsniew.
Ynda kyndit, nga don wei briew.
Pyrthei ka tip bad iohi ba nga long jong phi.

[Verse 3]
Burom bad ka akor ha phi ki long lehnoh ei.
Jingieit kaba shisha la shu jop ka spah pyrthei.
Kum u pukni phi her sa sha kawei pat ka kper.
Ki jingkular baroh kum sla iap ha um ki per.
Kumba phi leh ia nga phin sa mad shisien ka sngi.
Bainong ka jing shukor phin nym lait na jing babe.
Babe (2)

[Verse 4]
Myn nyngkong ki sngi, dei ma phi ba wan kyrsiew.
Da ka kyntien ba jem ha ryngkat ka dur bhabriew.
Ummat kiba la jaw,da lei lei ngam lah ban klet.
Naduh kata ka sngi ba ia nga phi lah lyndet.
Iaka dohnud jong nga, phi lah dung da nam sarang.
Jingpang te ki la jah,ki dang sah sa ki sohkhliang.